حديث هامشي

- كندا..
- شبها؟
- كيفك انتي والبرد؟
- أنا والشتوية صحبة كتير.................. شو الموضوع؟
- كوخ جبلي مخبى بشي قرنة بكندا, بيطل على بحيرة بتضل تلات رباع السنة مجمدة, ما في غير التلج والدبب
- شو جاب سيرة الدبب, ما بدي دبب
- ما بدك كندا في غير محلات
- شو قصتك انت والهجرة اليوم؟ فيك تعيش بعيد عن البلد؟
- مو أنا اللي بدي هاجر, الوطن هاجر من زمان
- ما في متل شتوية هون............. كأبتني بدون شي أنا صرلي يومين عايفة ربي
- اسطفلي
- رح اسطفل, انا مسطفلة من زمان, ما في أحلى من فعل الاسطفال

وهكذا اسطفلت, وجلست أصفن بذلك الحلم الذي يراودني بكوخ يطل على بحيرة مشقيتا أبتعد فيه عن الدنيا كلها, أنا وذاك الذي لم أجده ولم يجدني
بينما أخذ هو يثرثر عن ماركس..